Британскиот снукер играч Рони О’Саливен по седми пат стана светски шампион во тој спорт.
О’Саливен играше по осми пат во финалето на Светското првенство, а по победата над Џад Трамп, со седум трофеи го израмни рекордот на Стивен Хендри, по бројот на шампионски титули.
Тој беше светски шампион во 2001, 2004, 2008, 2012, 2013 и во 2020 година.
Саливен славеше по одлично одиграниот турнир, со резултат од 18 : 13 во финалето на Светскиот шампионат во снукер во „Крусибл“ во Шефилд.
Со победата, покрај седмата титула од Шефилд, О’Саливен стана и единствениот снукер играч кој има по 7 титули од трите најпрестижни турнири, таканаречени „тројни“ круни – „Ракетата“ има и 7 победи на УК шампионатот и на Мастерс турнирот.
Прегратката на двајцата ривали по мечот траеше скоро две минути, а Рони со солзи во очите на крајот успеа да го прегрне и семејството.