Русија се подготвува за прва мисија на Венера по советската ера, а подготовките веќе започнаа преку државната корпорација Роскосмос.
Венера-Д треба да биде вселенско летало кое ќе има мисија да стане орбитрална станица на планетата Венера и прво од трите планирани мисии.
Оригинално, Роскосмос и НАСА требаше заеднички да работат на проектот, но како што стојат работи најверојатно Роскосмос самостојно ќе работи на овој проект.
„Техничкиот дизајн на проектот веќе започна“, во изјава за ТАСС соопшти Лев Зелени, директор за истражувања на рускиот Институт за вселенско истражување.
Планот е леталото да биде лансирано во 2029 година, доколку сѐ се одвива навреме според планираното. Потоа треба да следуваат уште две мисии во 2031 и 2034 година. Последното назад на Земјата ќе донесе примероци од атмосферата и можеби од почвата.
Последен пат кога Москва ја истражуваше Венера беше за време на Советскиот Сојуз, во 1970 година. Тогаш леталото Венера-7 стана првото кое успеало да слета на оваа планета и да испрати податоци на Земјата.
„Нашата држава е првата и единствената која била на Венера. Нашата опрема беше таму и направи истражување. Генерално, планетата е вистински пекол. Мисиите на Венера се дел од владиниот програм за руско истражување на вселената за 2021-2030“, рече Дмитриј Рогозин, главен раководител на Роскосмос.
Ако Марс е примамлив за САД, Венера е за Русија. Во советската ера русите имаа куп мисии на оваа планета, па не бадилаја во една прилика Рогозин рече дека „Венера е руска планета“.
Иако по големина е слична на Земјата, има атмосфера со 97% јаглероден диоксид и просечна температура од 464°C, што ја прави неподнослива за живот.