Роверот Perseverance на НАСА успешно зеде втор примерок од карпа од Марс и ја направи првата анализа, објави американската вселенска агенција.
Примероците се „веројатно вулкански, со можност да содржат сол во која можеби се содржат меурчиња од древна вода“, објави НАСА на Twitter.
Кен Фарли, научник вклучен во проектот, вели дека примероците „откриваат средина потенцијално погодна за живот“.
„Голема работа е што водата е таму долго време“, рече Фарли во изјавата.
Perseverance минатиот понеделник успешно го собра првиот примерок, наречен Montdenier, од карпи од Марс . Примерокот безбедно се чува во контејнер и ќе биде вратен ан Земјата. Уште еден примерок беше земен од истата карпа два дена подоцна.
Првиот обид за дупчење во август беше неуспешен. Според НАСА, технологијата на роверот тогаш функционирала совршено, но карпата не била доволно цврста и биле извадени само прашливи фрагменти кои не можеле да ја наполнат цевката за примерок.
Perseverance слета на Марс кон крајот на февруари, откако помина осумгодишна развојна програма која чинеше 2,5 милијарди долари.
