НАСА го подготвува роверот Perseverance за првото дупчење карпи на Марс.
Откако роверот ќе го изврши тоа, јадро од карпата ќе биде сместено во затворена цевка која во иднина ќе биде транспортирана на Земјата. Научниците тврдат дека примероците од површината на Црвената планета се најдобра шанса да се открие дали некогаш на неа имало живот.
Perseverance слетa на Марс во февруари и се наоѓа во кратерот Језеро. Сателитските снимки укажуваат дека некогаш на тоа место постоело езеро кое било полнето од река. Токму затоа овој кратер е сериозен кандидат за можни микроби, ако воопшто постоеле некакви организми.
Роверот ќе изврши дупчење на дното на кратерот Језеро. Целта е да се открие дали карпите се од седиментално или вулканско потекло. Во текот на мисијата роверот ќе собере околу 40 примероци и ќе ги пренесе во цевка.
