Возачот на Мерцедес, Нико Розберг, ја забележа осмата сезонска победа, откако триумфираше на трката за Големата награда на Сингапур.
Розберг до победата на патеката „Марина Беј“ стигна иако направи голема грешка во 13-от круг кога го промаши влезот во боксот. Исто така Розберг успеа на меките пневматици да ги издржи нападите на Рикардо во последните десет кругови.
Германецот со оваа победа повторно се врати на челната позиција во генералниот пласман. Тој има осум бодови повеќе од актуелниот шампион Луис Хамилтон.
Британецот ја доби тактичката војна со Кими Раиконен и на крајот ја освои третата позиција пред возачот на Ферари.
Петтото место му припадна на Себастијан Фетел, кој трката ја стартуваше од последната позиција.
Бодови во Сингапур уште освоија Ферстапен, Алонсо, Перез, Квјат и Магнусен.
Наредната трка во првенството ма Формула 1 ќе се вози на 2.октомври во Малезија.