Рускиот клуб од Казањ одлучи дека доволно време имаше прекин на активностите и им се врати на тренизите за играчите да не ја загубат формата.
Од синоќа Рубин е повторно во погон. Тренерот Леонид Слуцкиј ги повика играчите да излезат од карантин и да се појават на зелиот терен по што го одржа првиот тренинг. Играчите првиот ден тренираа индивидуално.
„Играчите вежбаат во теретана, на терен, работат на тренинзи за враќање на физичката подготвеност. Сепак, сѐ се одвива според мерките издадени од Министерството, според кои бројот на учесници во тренинг сесија е лимитиран“, стои во клупското соопштение. Тоа значи дека Рубин нема да игра пријателски натпревари.
Руското првенство запре на 16 март со 22. коло, а наводно ќе продолжи на 11 април, доколку нема дополнителни промени со заразата од коронавирусот во Русија. Ова треба допрва да биде потврдено.
Рубин грчевито се бори за опстанок и на 8 кола до крајот се наоѓа на 14. место од 16 екипи со само бод пред Крилија Совјетов и зоната за испаѓање.