Бројот на ѕвезди што се собираат во соблекувалната на ПСЖ значи дека тие внимателно се следат во голем дел од светот. Иако Вејн Руни минува низ нова фаза од својот живот во САД каде што го предводи ДиСи Јунајтед, легендарниот Англичанец силно го нападна Килјан Мбапе.
Деновиве многу се пишуваше за внатрешната војна помеѓу Мбапе и остатокот од тимот на ПСЖ. Минатиот викенд парижаните не покажаа милост кон Монпелје, а натпреварот го одбележа расправијата меѓу Нејмар и младиот Французин за тоа кој ќе го изведе пеналот.
Видеото од инцидентот го обиколи светот, а стигна и до Руни, кој се нафрли на Мбапе и го спореди со Меси.
„Никогаш во животот не сум видел поголемо его. Некој треба да го потсети Мбапе дека кога Меси имаше 23 години тој веќе освои 4 Златни топки“, рече Руни во интервју за Depar Sports.
Да потсетиме, Мбапе промаши пенал на споменатиот натпревар, а потоа по вториот досуден пенал се обиде да му ја украде топката на Нејмар, што Бразилецот не му дозволи и постигна гол.
Многу љубители на фудбалот сметаат дека однесувањето на Мбапе е неприфатливо и дека не ги почитува соиграчите, а мета на критики е и тренерот Кристоф Галтје кој покрај сѐ навести дека ѕвездата на француската репрезентација ќе остане изведувач на пенали на клубот.
