Напаѓачот на англискиот премиерлигаш Евертон, Вејн Руни, го стави на огласите за продажба својот суперавтомобил BMW I8.
Руни е принуден на ваков потег, бидејќи поради возење во пијана состојба му беше одземена возачката дозвола на дури две години.
Напаѓачот на Евертон го продава хибридот на BMW за 65.000 фунти (74.000 евра), што е 50.000 фунти помалку од цената која ја платил кога го купил овој модел во 2015 година.
BMW I8 има 1.5 литарски мотор заедно со електричен, а вкупно развиваат 360 KS. Забрзува од 0-100 километри на час за 4.4 секунди, а максималната брзина е лимитирана на 250 километри на час.
Автомобилот на Руни е модерно опремен, а легендата на Манчестер Јунајтед беше меѓу првите фудбалери кој купи автомобил на хибриден погон.
Слободно може да се каже дека токму тој со купувањето на ова BMW го промени трендот меѓу своите колеги, што влијаеше и на растот на побарувачката на хибридни и електрични возила во Велика Британија.
Во текот на 2017 година, на сајтот Auto Trader беше евидентиран пораст од 56 отсто на пребарување на возила на овој погон.