Владимир Путин договорил нова соработка со Куба, Венецуела и Никарагва како одговор на присуството на НАТО на руските граници.
Министерот за надворешни работи на Русија соопшти дека неговата држава договорила развојна соработка со трите латиноамерикански земји како одговор на прошувањето на НАТО во Источна Европа.
Рускиот претседател Владимир Путин се договорил со претседателите на Куба, Венецуела и Никарагва за развој на партнертсво во повеќе области вклучувајќи и воена соработка.
Зборувајќи синоќа на настан пред Думата, Сергеј Лавров соопшти дека Путин неодамна разговарал со лидерите на трите латиноамерикански држави и сите заедно се договориле на заедничка соработка за развој на посилна стратегиска кооперација.
„Претседателот Путин неодамна телефонски разговараше со неговите колеги од овие три влади, со кои ние сме многу блиски и добри пријатели, и тие се согласија да пробаат да ги зајакнат нашите стратешки партнерства во сите области, без исклучоци“, соопшти Лавров. Потенцираше дека Русија веќе има блиски односи со овие држави во многу сфери, „вклучително воени и воено-технички“.
Прашан за изгледите за зголемена воена соработна со овие земји, Лавров одговори дека „во блиска иднина сметаме на редовни состаноци на соодветните комитети“.
На почетокот од месецов заменик-министерот на руското МНР, Сергеј Рјабков, беше прашан за можноста од тоа Русија да испрати војска во Латинска Америка, а тој не ја исклучи таа можност. „Американски стил е да се има повеќе опции за своите странски и воени политики. Тоа е темелот на моќното влијание на таа земја во светот“, рече тој тогаш.
„Рускиот претседател многупати зборуваше на темата какви мерки може да се преземат, на пример вклучувајќи ја и руската морнарица, доколку работите и натаму се на курсот на провокација кон Русија и воен притисок врз нас од страна на САД. Ние не го сакаме тоа. Дипломатите мора да дојдат до договор“, додаде тој.
Американскиот советник за државна безбедност, Џејк Саливен, одговори дека „руската воена активност во Латинска Америка не беше предмет на дискусија во неодамнешните безбедносни разговори“, но додаде дека САД одлучно ќе одговорат доколку дојде до такво нешто.
Политички лидери од Русија и САД последниов период преговараат во обид да ја деескалираат ситуацијата околу Украина, за која Вашингтон ја обвинува Москва дека планира инвазија. Кремлин негира дека има било какви намери за агресија и побара писмени гаранции дека НАТО, воен блок предводен од САД, нема да се проширува со Украина и Грузија, две држави кои граничат со Русија.
