Свет

Русија: Имаме доказ дека САД ја поддржуваат ИСИС

14. ноември 2017 - 13:43 | А.С.

Министерството за одбрана на Русија соопшти дека САД „имитирајќи борба против тероризмот всушност обезбедуваат помош за единиците на терористичката група ИСИС со цел да ги промовираат своите интереси на Блискиот Исток.“

Руското министерство соопшти дека „американските сили одбиле да изведуваат воздушни напади на терористите од ИСИС кои се повлекуваат од Абу Камал во Сирија.“

Операцијата за ослободување на источниот град Абу Камал покажа дека „американската коалиција директно ја поддржувала терористичката група ИСИС.“

„Овие факти сочинуваат неоспорен доказ дека САД, кои пред светската заедница имитираат непоколеблива борба против меѓународниот тероризам, всушност ги покриваат борбените единици на ИСИС за да ја обноват нивната борбена готовност, да можат да се прегрупираат и да го искористат промовирањето на американските интереси на Блискиот Исток“, стои во соопштението објавено во „Спутник“.

Министерството за одбрана денеска објави фотографии на кои, наводно, се гледа колона терористи долга неколку километри од Абу Камал во правец кон Вади ел Саба на сириско-ирачката граница.

Според податоците на министерството, операцијата што ја изведоа сириските владини сили кон крајот на минатата недела за ослободување на Абу Камал со поддршка на руската авијација, открила, како што се тврди „факти за директно влијание и поддршка за терористите на ИСИС од коалицијата на чело со САД.“

Коментирај