Бизнис

Русија ја надмина Саудиска Арабија во производство на нафта

21. февруари 2017 - 12:28 | Макфакс

Русија во декември ја престигна Саудиска Арабија во производството на сирова нафта, кога двете земји почнаа да ги намалуваат испораките во договор со останатите производители на „црното злато“, со цел да се намали презаситеноста на пазарот.

Русија во декември произведувала по 10,49 милиони барели дневно или за 29.000 барели помалку во однос на ноември, објави Bloomberg.

Саудиска Арабија го намали производството на 10,46 милиони барели дневно од 10,72 барели, колку што произведуваше во ноември.

Ова е прв пат од март минатата година Русија да произведе повеќе сирова нафта од Саудиска Арабија.

Саудиска Арабија и другите членки на ОПЕК во ноември донесоа одлука да го намалат производството на нaфта на 1,2 милиони барели дневно, од 1 јануари во наредните шест месеци, пренесува RT.

Другите земји производители на нафта, кои не се членки на ОПЕК, вклучувајќи ја Русија, ветија дополнително намалување на производството.

Од ноември цената на сировата нафта „брент“ од Северното Море порасна за околу 20 отсто. 

Коментирај