Русија ја предупреди Босна и Херцеговина дека нејзиното конкретно приближување кон членство во НАТО би претставувало „наклонување на една страна“ и непријателски чин.
Според медиумите во БиХ, тоа во иднина секако би предизвикало последици.
„Русија ќе биде принудена да реагира на овој непријателски чекор во случај на практично приближување меѓу БиХ и НАТО“, се вели во соопштението на руската амбасада, што го пренесе порталот на Телевизија Република Српска, кој, како што известува Index.hr, води пропаганда против НАТО.
Текстот потсетува дека властите во РС упорно се обидуваат да го блокираат пристапот на БиХ кон Северноатлантскиот сојуз, иако членството во Алијансата е дефинирано како цел и на стратегот за надворешна политика на таа земја и на нејзиниот закон за одбрана.
Според порталот на РТРС, ненадејната реакција на Руската амбасада во Сараево следеше по дискусијата за врските меѓу БиХ и НАТО, како и „бројните публикации кои ги фалат предностите на членството на БиХ во НАТО“.
Објаснувањето на Русија е дека проширувањето на НАТО на исток всушност не донело никому од никаква корист затоа што наводно само ја одржувало категоријата „држава на воена линија“, па затоа и препорачуваат на БиХ да размисли за тоа.
„Наспроти нашите западни партнери, ние не наметнуваме избор на приоритети во надворешната политика, но истовремено ги повикуваме пријателите во БиХ да размислат внимателно, да ги одмерат добрите и лошите страни и да ги земат предвид ставовите на сите жители кои се далеку од консензус за ова прашање“, стои во соопштението на Амбасадата.
