Руското Министерство за надворешни работи утрово ги предупреди Западот и Украина дека Москва веднаш ќе одговори во случај на напади на Украина со долг дострел на руска територија.
Марија Захарова, портпаролка на руското Министерство за надворешни работи, рече дека рускиот одговор би бил „исклучително болен“.
Таа исто така рече дека Западот „треба да размисли за ризиците од понатамошна ескалација на конфликтот во Украина“ и дека западните политичари „губат контакт со реалноста“.
Рускиот министер за надворешни работи, Сергеј Лавров, ги предупреди САД да не се шегуваат со црвените линии на Москва, објави Reuters.
Лавров рече дека САД го губат чувството за заемна воздржаност со Русија и тоа е опасно.
Reuters, да потсетиме, вчера објави дека Америка планира да ѝ даде одобрување на Украина да напаѓа со западно оружје со долг дострел длабоко на руска територија.
Украина со месеци бараше дозвола за тоа да ги спречи руските напади врз цивили и енергетската инфраструктура во Украина.
