Рускиот селектор реши петорица од шесте Руси кои настапуваат за Вардар да ги поведе на претстојното Европско првенство.
Довчерашниот тренер на Вардар и сега селектор на машката ракометна репрезентација на Русија, Едуард Кокшаров, го објави спиокот на ракометари со кои ќе настапи на Европското првенство.
Меѓу 18-те играчи има петорица кои се дел од македонскиот шампион. Можеа да бидат и шест, но Кокшаров одлучи да отпадне пикерот Сергеј Горпишин.
Вардар во руската репрезентација ќе биде претставуван од десното крило Даниил Шишкарев, левото крило Тимур Дибиров, пикерот Глеб Калараш, левиот бек Сергеј Горбок и централниот бек Павел Атман.
Русија е во групата Е заедно со Данска, Унгарија и Исланд.
