Русија ќе одговори на можна појава на американски бродови во Црното Море, изјави заменик-претседавачот на Одборот за одбрана на Думата Јуриј Швиткин.
„Без оглед на тоа од каде доаѓа агресијата или провокациите, од Украина или од Америка, нам тоа не ни е битно. За нас државната граница е недопирлива. Ќе одговориме на адекватен начин. Навистина не би сакале нашите подморници да испливаат на американскиот брег“, рече Швиткин пред новинарите.
Претходно, американската телевизија CNN повикувајќи се на свои извори објави дека САД почнале со подготовки за праќање воени бродови во Црното Море по инцидентот во Керченскиот Теснец, каде украински бродови беа задржани откако ја преминаа границата со Русија.
Разорувачот на американската морнарица кој помина во близина на пацифичката флота на Русија не влезе во руски територијални води, но таквите акции се провокативни по природа, истакна тој.
