Русија побара од својот Врховен суд да го прогласи украинскиот полк Азов за терористичка организација.
„Судењето на украинското паравоено националистичко здружение Азов (други имиња: Азовски баталјон, Азовски полк) како терористичка организација и забраната за активностите на Азов во Руската Федерација е закажано за судење на 26 мај“, соопшти руското Министерство за правда.
Оваа вест е објавена откако синоќа од челичарницата Азовстал беа евакуирани украински борци, од кои голем дел се членови на Азов.
Портпаролот на Кремљ без коментар
Претходно, портпаролот на Кремљ Дмитриј Песков одби да коментира дали бранителите на челичарницата, кои сега се во руски притвор, ќе бидат третирани како воени затвореници или воени злосторници.
Азовскиот полк беше формиран во 2014 година за да се бори против руските сили и проруските бунтовници во источниот регион Донбас, откако Москва го анектираше украинскиот полуостров Крим.
Некои борци од Азов биле поврзани со националистички и екстремно десничарски групи. Подоцна полкот беше вклучен во Украинската национална гарда.
