Русија предаде доказ дека нервниот гас од тип „новичок“ бил произведен и патентиран во САД во 2015 година, како еден вид хемиско оружје, изјави претставник на Русија во Организацијата за забрана на хемиско оружје (ОПЦВ), Александар Шулгин.
Рускиот претставник за време на вонредната седница на извршниот совет на OPCV, покажа документ од Канцеларијата за патенти и брендови во САД, кој датира од 1 декември 2015 година.
„Овој документ потврдува дека „новичок“ не е само произведен, туку и патентиран како хемиско оружје во САД“, изјави Шулгин.
Тој додаде и дека во приложениот документ се споменува и изработка на специјален куршум, кој може да се полни со отровни супстанции.
„Во крајна мерка една од активните супстанции со која може да се полни тој куршум, може да биде некој од нервните агенси, како што се табун, сарин, соман, циклосарин, VG, VM, VR, VH, и внимавајте сега, агенси кои припаѓаат на типот „новичок“, изјави Шулгин.
Шулгин уште еднаш нагласи дека нервниот гас „новичок“ никогаш не се произведувал во Русија, ниту пак за време на Советскиот сојуз.
Тој нагласи дека оваа формула сведочи за тоа дека во САД изработувале и патентирале супстанции од типот „новичок“.
Поранешниот руски контрашпион Сергеј Скрипал и неговата ќерка Јулија беа пронајдени без свест во англискиот град Солсбери на 4 март, а Лондон тврди дека Москва стои зад нападот, кој е извршен токму со нервен гас „новичок“.
