Федералната служба за безбедност (ФСБ) на Русија денеска соопшти дека ги спречила украинските специјални служби да се обидат да го саботираат гасоводот Јужен поток, пренесува Reuters.
„ФСБ спречи обид на украинските специјални сили да го саботираат гасоводот Јужен поток, кој ги снабдува Турција и Европа со енергија“, соопшти ФСБ. Не се знае точно за кој гасовод зборуваат Русите, бидејќи планот за изградба на Јужен поток до брегот на Црното Море на Бугарија беше отфрлен во 2014 година и заменет со Турски поток.
На крајот на септември беа уништени делови од Северен поток
Да потсетиме, на крајот на септември беа уништени делови од гасоводите Северен поток 1 и 2, со кои гасот до Германија преку Балтичкото море се доставуваше. Северен поток 1 беше отворен во 2011 година, а Северен поток 2 беше завршен во 2021 година, но поради инвазијата на Украина никогаш не беше пуштен во употреба. Русија ја обвини Велика Британија за саботирање на Северен поток.
„Според достапните информации, претставници на оваа единица на британската морнарица учествувале во планирањето, обезбедувањето и спроведувањето на терористичкиот напад во Балтичкото Море на 26 септември оваа година - разнесувањето на гасоводите Северен поток 1 и Северен поток 2“, соопшти руското Министерство за одбрана на крајот на октомври.
Британија ги отфрли руските тврдења.
„За да го намали своето катастрофално однесување на илегалната инвазија на Украина, руското Министерство за одбрана прибегнува кон ширење лажни тврдења од епски размери“, рече портпаролот на британското Министерство за одбрана.