Американските разузнавачки и безбедносни служби во претресот на руските дипломатски преставништва во САД барале експлозив. Тоа го изјави портпаролката на руското Министерство за надворешни работи Марија Захарова за ТВ Росија 1.
„Знаете ли што бараа? Или барем така ни кажаа пред претресот? Нема да ви се верува, бараа експлозив“, рече Захарова.
Русија смета дека ситуацијата околу нејзината трговска мисија во Вашингтон каде влегоа службеници на ФБИ, откако претходно беше укинат дипломатскиот имунитет на зградата, претставува најочигледно кршење на Виенската конвенција за дипломатски односи од 1961 година.
„Претресот во Вашингтон беше без преседан претставува најочигледно кршење на Виенската конвенција за дипломатски односи од 1961 година. Член 45 од Конвенцијата вели дека дури и во случај на заострување на дипломатските односи или во случај на вооружен судир, државата домаќин мора да ги почитува и штити имотите на странските мисии“, рече Леонид Слуцки од Комисијата за надворешни работи на руската Дума.
„Ова се отворено непријателски постапки што целосно се косат со меѓународното право“, додаде тој.
„Јасно е дека САД провоцираат понатамошна ескалација на нашите дипломатски односи.“