Руското министерство за надворешни работи им се закани на Шведска и на Финска поради одлуките да се приклучат на НАТО сојузот.
Заменик министерот за надворешни работи, Сергерј Рјабков изјави дека таа одлука е грешка со долгорочни последици, а која радикално ќе ја промени глобалната ситуација.
„Никој не треба да има илузии дека Русија едноставно ќе молчи и ќе го прифати влезот на Шведска и на Финска во НАТО“, изјави тој, додавајќи дека безбедноста во двете земји „нема да биде зацврстена“ со тој потег, пишува Sky News.
„Глобалната ситуација радикално ќе се промени по одлуката на Шведска“, додаде тој.
Шведската премиерка Магдалена Андерсон изјави дека ќе побара широка поддршка на парламентот за поднесување барање за влез во НАТО, откако нејзината партија објави дека го поддржува влегувањето во Сојузот.
Соседна Финска претходно објави дека ќе поднесе барање за членство во НАТО.