Русинката Алија Роза тврди дека била шпионка на Владимир Путин. Вели дека на 18-годишна возраст се запишала на воената академија во Москва, каде ја тренирале за шпионка.
„На воената обука научив основни боречки вештини и ракување со оружје. Потоа работев како агент во акции против трговија со луѓе и дрога. Подоцна, неколку девојки меѓу кои и јас бевме повикани на страна. На посебен тренинг бевме обучени како да заведуваме и манипулираме со луѓето. Имавме и посебни секс тренинзи“, раскажува Алија.
„Нè подучуваа како може да го употребиме изгледот за да извлечеме што повеќе информации од лицето под интерес. Сексот е многу важен во тоа“, вели таа.
Тврди дека успеала да избега од Русија откако некои мафијаши се обиделе да ја убијат. Морала да го промени и името. Коментирајќи ја моменталната ситуација со Украина, таа вели дека е против војна. Смета дека знае што се врти во главата на Путин.
„Најважната работа е во тоа што ние живееме двојни животи. Погледнете ги фотографиите на Путин. Јава коњ без маичка, лови риби, нурка... Како да е Џејмс Бонд. Тоа е бренд. Сите Руси сакаат да бидат такви. Луѓето го почитуваат и му се восхитуваат. Како тоа да го постигнете ве учат во воените школи за тајни агенти“, вели таа.
