Рускиот министер за енергетика Александер Новак изјави дека Русија преговара со Саудиска Арабија за продажба на соларни панели во оваа арапска земја, објави ТАСС.
Саудиските власти неодамна најавија големи планови поврзани со инвестиции во обновливи извори на енергија.
„Разговараме на оваа тема“, рече Новак пред новинарите во Мускат, престолнината на Оман.
Агенцијата „Блумберг“ претходно објави дека сонот на Саудиска Арабија е да го развие користењето на соларната енергија и енергијата од турбини на ветер за да ја намали потрошувачката на нафта и да почне да извезува струја од обновливи извори.