Руски дипломати одржале тајни разговори минатата година во Лондон, со луѓе кои се блиски до Жулијан Асанж, за да проценат дали би можеле да му помогнат да побегне од Велика Британија, пишува „The Guardian“.
Подготвен е и скромен план, преку кој основачот на WilkiLeaks ќе побегне од Амбасадата на Еквадор во Лондон, па со дипломатско возило ќе биде пренесен во друга земја.
Неговото конечно одредиште требало да биде Русија, каде Асанж не би се наоѓал во опасност да биде испорачан во САД. На крај сепак се откажале од планот, бидејќи сметале дека е премногу ризичен.
Операцијата требало да биде изведена на Божиќ во 2017 година, тврди еден извор, а се е поврзано со неуспешниот обид на Еквадор, за на Асанж да му обезбеди формален дипломатски статус.
Вклучувањето на руски функционери во „спасувањето“ на Џулијан Асанж, ја доведува во прашање, барем во Велика Британија, врската помеѓу Асанж и Русија.
Основачот на WikiLeaks е клучна фигура во криминалистичката истрага на САД, околу обидите на Русија да влијаат на исходот од претседателските избори во 2016 година.
