По понудата на Москва да му помогне на Брисел, кој е на тенок мраз кога станува збор за вакцинација против коронавирус, одговорот од ЕУ пристигна молскавично брзо.
За потсетување, од Москва беше испратена „понуда што не се одбива“ - компанијата што стои зад руската вакцина против коронавирус ѝ понуди на Европската Унија да им испрати 100.000.000 дози вакцина „Спутник V“ во текот на вториот квартал на оваа година.
Брисел со денови имаше огромни проблеми со вакцинирањето на жителите на Унијата поради доцнењето во претходно договорената достава на вакцини од компанијата AstraZeneca. Компанијата Moderna ги извести и официјалните лица во Париз дека нема да можат да го почитуваат претходниот договор, односно дека вакцината ќе доцни.
По понудата на Москва, одговори германскиот институт „Пол Ерлих“, од каде беше објавено дека тие веќе се во контакт со Русија во врска со регистрацијата на вакцината против коронавирусот „Спутник V“ во Европската унија.
Иако не постои официјален став на органот надлежен за конечната одлука на Европската комисија, но реалноста не им дозволува да одолговлекуваат. Војната со AstraZeneca продолжува, Велика Британија, каде отиде најголемата количина на вакцини AstraZeneca, не сака да му го покаже на Брисел договорот со фармацевтската компанија, Брисел бара од AstraZeneca да ги објави деталите за договорот и така натаму....
Во меѓувреме, две членки на ЕУ полека почнуваат да размислуваат за свртување кон друг пазар - Русија, но и Кина. Сепак, унгарскиот премиер рече дека неговата земја може да потпише договор за набавка на кинески вакцини деновиве, а дека руската „Спутник V“ е веќе набавена.
Сега, друга земја влегува во приказната за набавка на руската вакцина во земјите на ЕУ - Хрватска. Од Загреб доаѓаат информации дека размислуваат за руската вакцина и за нејзината набавка, бидејќи треба да се биде реален - за оваа сè уште нема нарачка.