Московскиот институт за термичка технологија, рускиот инженерски и научно-истражувачки институт, кој е дел од вселенската корпорација „Роскосмос“, дизајнираше воз со магнетна левитација (маглев) што може да работи во беспилотен режим, изјави главниот дизајнер Јури Соломонов за ТАСС.
Маглев е железнички транспортен систем заснован на два сета магнети: едниот сет да отскокнува и да го поместува возот од пругата, а другиот да го придвижува издигнатиот воз напред, искористувајќи го недостатокот на триење.
„Целта на проектот е да се создаде целосен демонстрациски модел на воз во целосна големина, за да се проверат и потврдат главните технички карактеристики на новите технолошки решенија поврзани со примената на технологијата маглев“, објасни Соломонов.
Проектот претставува обемна модернизација на monorail транспортниот систем (железница со една шина) создаден во раните 2000-ти. Возот патува долж една челична греда и може да работи во режим без екипаж или со минимална човечка контрола.
„Тестирањето треба да започне во текот на третиот квартал од оваа година“, додаде Соломонов.