Русите објавија видео снимка од заробените Украинци

Федералната служба за безбедност на Русија (ФСБ) објави видео од тројца украински морнари заробени во текот на заплената на бродови во Керченскиот Теснец.

На видео снимката морнарите признаваат дека ја нарушиле руската граница. Според ФСБ, провокацијата во Керченскиот Теснец ја координирале двајца припадници на украинската служба за безбедност. Украина ја обвини Русија за воена агресија, тврдејќи дека руската постапка е во спротивност со меѓународното право и конвенциите на ОН за поморско право. Украина вчера воведе воена состојба, а како причини за тоа ги наведе заканите од копнена инвазија. За Русите инцидентот е провокација.