Русите сѐ повеќе купуваат книги за нацистичка Германија и Втората светска војна откако претседателот Владимир Путин нареди делумна мобилизација на цивилните резервисти за војната во Украина.
Продажбата на книги за Втората светска војна порасна за 20% и покрај вкупниот пад на продажба на книги ширум Русија, пишува Комерсант, повикувајќи се на податоци од водечки книжарници и издавачки куќи.
„Луѓето се обидуваат да бараат каде можат да најдат убедлива метафора или алегорија која ќе им овозможи да сфатат нешто за денешното време“, вели книжевната критичарка Галина Јузефович.
Продажбата на книгата „Германска војна: Нација под оружје, 1939-1945“ на Николас Старгард, која истражува како германските граѓани ги доживувале воените настани, петпати порасна откако најавата за мобилизација на 21 септември.
Интернет книжарницата Литара пријави 17 пати зголемена продажба на книгата.
Издавачката куќа Алпина соопшти дека е забележано зголемување на продажбата на книгата „Да за животот: И покрај сѐ“ од Виктор Франкл за 40%. Станува збор за книга кога ја опишува психологијата на престој во концентрационен логор. Виктор Франкл е еврејски психијатар од Виена кој во 1942 година завршил во концентрационен камп. Откако по три години излегол од таму, објавил неколку книги за неговото искуство.
Најавата на делумна мобилизација во Русија предизвика протести во неколку региони и масивен бран на иселувања од земјата. По хаосот што настана, Путин призна „грешка“ во процесот, пишува Moscow Times.
