Русија претстави уникатен дизел мотор во форма на седумкрака ѕвезда произведена во фабриката „Звезда“.
Според зборовите на директорот за развој на фабриката, Александар Зиновјев, седумкраката конструкција е најефикасната во светот, односот на моќноста на моторот и неговата маса е повисока отколку кај кој било друг најнапреден странски дизел мотор.
„Судејќи по односот моќност и тежина, ова е најефикасната конструкција за клипен мотор. Мислам дека ќе биде тешко да се извлече повеќе од клипен мотор", рече тој.
Вработените во фабриката ја покажаа постапката за проверка на овој мотор. Со започнување на вртењето од едната страна на моторот, работникот ги активира сите 56 клипови, со што му овозможува да ја провери неговата работа. Зиновјев објасни зошто се спроведува ова тестирање, пренесува „Спутник“.
„Неопходно е да се провери истекувањето на маслото во сите позиции на ротирачката осовина и да се провери дали стигнало до секоја подмачкана точка“, објасни тој.
Дизел моторот со седумкрака конструкција прв го произведе советскиот дизајнер Александар Јаковљев за авијацијата, но сега е адаптиран за работа на море.
Како што истакнува ТВ Звезда, овој мотор развива 8.000 коњски сили, и се состои од седум краци, од кои секоја има по осум цилиндри. Тој е светски рекордер меѓу потрошувачите на дизел гориво.
