Министерството за одбрана на Велика Британија наведе дека Русија во изминатите неколку дена отпушти низа високи воени функционери поради лошите резултати во првите фази од руската инвазија на Украина.
Генерал полковник Серхиј Кисел, командант на елитната Прва тенковска армија е сменет затоа што не успеал да го заземе Харков.
Вицеадмирал Игор Осипов, командант на руската црноморска флота, е сменет по потопувањето на рускиот крстосувач „Москва“.
Рускиот шеф на генералштабот Валериј Герасимов, според британските процени, засега успеал да ја зачува позицијата, но не е познато дали и понатаму ја има довербата на претседателот Владимир Путин.
