Русија рано утрово воведе антитерористички мерки во три региони кои граничат со Украина, јавуваат руските новински агенции.
Агенциите ги цитираа регионалните гувернери или Националниот антитерористички комитет дека специјалниот режим ќе важи за регионот Курск, каде што Москва вели дека нејзините сили се борат против украинското навлегување, како и за регионите Белгород и Брјанск.
Новинската агенција РИА пишува дека мерките вклучуваат евентуално раселување на жителите, ограничувања на транспортот во одредени области, зголемена безбедност околу чувствителните места и прислушување на телефонски и други комуникации.
Руските мерки следеа пред три дена кога украинските сили започнаа голема офанзива во областа Курск.
Повеќе од илјада украински војници влегоа во областа, поддржани од десетина тенкови и дваесет други оклопни возила.
