Преработената и пржената храна, особено месото, предизвикуваат воспаление на црниот дроб, крвните садови и зглобовите, што резултира со проблеми со кожата, метаболизмот и зголемување на телесната тежина.
Руската нутриционистка Зухра Павлова тврди дека по полни, јубилејни 40 години се гледаат последиците од невниманието од младоста. Сепак, нема ништо што здравите навики не можат да го решат и да му помогнат на вашето тело да избегне проблеми со срцето, црниот дроб, зглобовите и вишокот килограми.
Таа вели дека, покрај бројните промени, нутриционистите советуваат и промена на исхраната, бидејќи е вистинско време да се отстранат некои намирници од менито.
„Можете да заборавите на чипсот и газираните пијалоци. Разновидна исхрана е неопходна за да го одржите целиот организам во здрава состојба. За да го постигнете ова, мора да јадете грашок, грав, леќа, наут, житарки и млечни производи“, објаснува Павлова и додава дека е неопходно нашето мени често да вклучува: морска риба, печурки, грејпфрут, зелен зеленчук, хељда, ореви, брокула, но и куркума и ким.
Исто така, таа истакнува дека е важно да се пие што повеќе вода, бидејќи таа игра голема улога во функционирањето на организмот. Покрај водата, во секојдневната исхрана пожелни се и билните чаеви.
Намалувањето на внесот на шеќер е основа за поздрав живот.
„Шеќерот е една од намирниците со висок гликемиски индекс. Го забрзува стареењето на мозокот, тој е одлично ‘гориво’ за малигните клетки. Ги оштетува протеините на сврзното ткиво кое ја старее кожата, крвните садови и внатрешните органи. Дефинитивно мора да се откажете од соковите и печивата. Исто така, обидете се да го намалите белиот леб, тестенините, белиот ориз и житариците“, објасни Павлова.
Докторката потсети и на штетата што може да ја предизвика брзата храна, бидејќи, како што објаснува, преработената и пржената храна, особено месото, предизвикува воспаление на црниот дроб, крвните садови и зглобовите, што резултира со проблеми со кожата, метаболизмот и зголемување на телесната тежина.
