Откако е соопштено дека во Русија ќе бидат згаснати 80 милиони Instagram профили, многу инфлуенсери се загрижија за нивната иднина. Така, една руска инфлунесерка предизвика особено внимание откако плачејќи објасни како ова за неа е повеќе од само заработка.
Руската инфлуенсерка искажа колку е погодена од одлуката за забрана на социјалните мрежи во земјата која изврши инвазија на Украина. Плачејќи, таа објасни како моментално минува низ тешки моменти. Нејзината реакција предизвика гнев кај јавноста.
„Мислите дека ова за мене како инфлуенсерка на Instagram е само извор за заработка? За мене тоа е живот, мојата душа. Со него се будам и лежам во изминатите 5 години“, обасни таа.
Нејзиното видео го сподели NEXTA, агенција насочена кон разоткривање на реалниот живот под власта на Путин. Во описот стои дека оваа Русинка очигледно не се ни грижи за луѓето во Украина.
„Изгледа дека таа не се грижи за илјадниците мртви луѓе, вклучително и нејзини сонародници. Единствено се грижи што нема да може да објавува фотографии од ресторани“, сметаат од NEXTA.
Иако Русинката веројатно сакаше да добие сожалување од јавноста, сепак таа доби само критики.
„Нека дојде во Харков, таму Instagram функционира“, порача еден корисник, а под нејзината објави некои корисници ставија видеа и фотографии од убиени цивили, порачувајќи дека за оваа глетка треба да тагува.