Американски контраразузнавачки агенти, открија дека осомничена руска шпионка работеше незабележливо во американската амбасада во Москва повеќе од десет години, пренесува британскиот магазин „The Guardian“.
Русинката со години работеше и за американска тајна служба, а осомничена е за шпионирање после рутинска безбедносна проверка на Стејт Департмент во 2016 година, изјави висок службеник на администрацијата за американските медиуми.
Стејт Департмент открива дека жената редовно и тајно се среќавала со членови на руската разузнавачка служба (FSB).
„Таа им даваше многу повеќе информации од дозволеното“, вели службеник на Стејт Департмент.
Регионалната канцеларија за безбедност ја предупреди амбасадата за осомничената шпионка, уште во јануари минатата година и таа доби отказ минатото лето, откако е фатена на дела, откри неименуваниот службеник.
„Немаш пристап до строго доверливи информации“
„Русинката имаше пристап до некои онлајн информации на американската тајна служба, но не и до строго доверливи тајни, па не претставува закана за националната безбедност“, вели наведениот службеник за „The Guardian“, кој остана анонимен.
Друго лице кое е упатено во случајот, за „CNN“, рече дека Стејт Департмент ја вработил Русинката, но таа вршела задачи и за американската тајна служба.
Од Стејт Департмент одбија да го коментираат случајот.
„Не ги коментираме обвиненијата поврзани со разузнавачките служби и немаме информации за вас во врска со наводниот инцидент“, стои во нивното соопштение.
„Агенцијата ригорозно ги проверува сите наши вработени од странство“
Тајната служба, во четвртокот изјави дека Русинката „ниту во еден момент не можеше да дојде до тајни информации, поврзани со националната безбедност“.
„Агенциите ригорозно ги проверуваат сите вработени, кои се од странство. Ако откриеме дека вработените ги кршат безбедносните прописи, почнуваме со преземање на потребните чекори“, известуваат од Стејт Департмент.