Руски воени авиони извршија напад врз терористички тренинг камп североисточно од Палмира при што загинале околу 200 милитанти, објавија руската армија.
Откако разузнавањето открило добро камуфлиран терористички камп во сириската пустина, руската авијација изврши напад уништувајќи две градби, 24 возила со тешка артилерија и околу 500 килограми муниција. Воедно, усмртиле и околу 200 терористи, според проценките.
„Терористите тренираат во кампови за милитанти правејќи импровизирани експлозивни направи и потоа праќаат групи да вршат терористички напади низ Сирија“, вели адмиралот Александр Карпов.
Терористичкиот камп се наоѓа во гарнизонот воспоставен од САД во 2016 година и покрај спротивставувањето на сириската Влада за такво нешто. Москва и Дамаск веќе некое време тврдат дека токму тој регион е де факто рај за милитантите.
Русите не објавија дали терористичкиот камп е на милитантите под контрола на ИСИС или пак на Хајат Тахрир ал-Шам групата која е под закрила на Ал-Каеда.
