Пропагандистот на Путин, Владимир Соловјов, во неделата повика на нуклеарен напад врз секоја земја што ќе се обиде да го уапси рускиот претседател Владимир Путин по налог издаден од Меѓународниот кривичен суд (ICC) во Хаг.
Горенаведената изјава Соловјов ја даде во неговата позната емисија која се емитува на руската државна телевизија Русија 1 и во која секој пат изговара навистина морничави пораки.
Клип од една епизода беше споделен на Twitter од новинарот на BBC Френсис Скар. Тој истакна дека Соловјов директно не ја спомнал налогот на ICC за апсење на Путин, но ја споменал руската комесарка за правата на децата, Марија Лвова-Белова, по која исто така била распишана потерница.
Соловјов ја започна својата презентација осврнувајќи се на неодамнешната изјава на германскиот министер за правда Марк Бушман за наредбата на ICC.
„Германија ќе биде обврзана да го уапси претседателот Путин доколку влезе на германска територија, и да го предаде на ICC“, изјави Бушман за германскиот весник Bild am Sonntag.
„Генерално, секоја структура или која било држава што дури ќе се осмели - како германското ѓубре од министер - да каже дека ќе се обидат да ја спроведат (одлуката)... Само да знаат, секој обид за спроведување е објава на војна! " рече Соловјов.