Свет

Рускиот „Su-57“ нема конкуренција во петтата генерација борбени авиони, вели неговиот дизајнер

10. ноември 2018 - 11:34 | А.С.

Петтата генерација на рускиот борбен авион „Sukhoi Su-57“ ги содржи функциите на американските „F-22“ и „F-35“, но сепак има подобри перформанси, вели главниот дизајнер и директор на Sukhoi Design Bureau Михаил Стрелец, во интервју во живо за ТВ-каналот „Ѕвезда“.

Борбениот авион може ефикасно да уништи цели во воздух и на земја, во споредба со американските авиони што се фокусирани на специфични задачи, вели главниот дизајнер на Sukhoi.

„F-22 првично беше развиван како авион што ќе биде супериорен за соборување воздушни цели. Но, Американците со време сфатија дека е погрешно да го дизајнираат авионот само за да носи проектили воздух-воздух и направија напор да стават воздух-земја наоружување во постоечката конфигурација, но не успеаја“, вели Стрелец.

Дизајнерите на „Su-57“ се соочија со задачата да направат мултифункционален борбен авион, вели тој.

„Би рекол дека Su-57 нема конкуренција меѓу авионите од петта генерација“, нагласи СТрелец и додаде дека покрај мултифункционалноста и големата носивост, новиот авион е неспоредлив и во поглед на забрзувањето.

Коментирај