Ужасот од тригодишната опсада на Ленинград од страна на нацистите во текот на Втората светска војна оставил последици на генетскиот код кај граѓаните на Санкт Петербург, вклучувајќи го и рускиот претседател Владимир Путин, кој е роден само неколку години после окупацијата.
Дека не станува збор за обична научно-фантастична претпоставка, или теорија, доказ е и филмот „Blockade Blood, Genetics“ во режија на Елеонора Лукијанова, кој на 18 јануари го гледале функционери од Министерството за култура, како и ветерани од Втората светска војна.
Окупацијата на Ленинград од страна на германските и финските сили во текот на Втората светска војна траела 872 дена, во текот на кои жителите на најоскудни начини се бореле да преживеат – јаделе глувци, сопствени домашни миленичиња, па дури и лепак, само за да преживеат, а важна улога имало донирањето на крв на војниците повредени во борби со нацистите.
Од почетокот на нацистичката инвазија на Советскиот сојуз 22 јуни 1941 година, па до крајот на таа година, 25.865 луѓе дале крв за повредените војници во замена за малку храна.
Во однос на тоа дека е креирана посебна крвна супстанца која содржи 10 проценти од крвната група нулта, граѓаните на денешниот Санкт Петербург имаат таканаречен „златен ген“ – поточно генетска мутација која, според мислењето на психолози, ги обединува во една иста психолошка бихевиористичка група.
Како се манифестира тој ген?
Како што се претставува и во филмот, жителите со овој супер ген имаат „многу поголема одговорност за она што се случува во земјата и градот“. Како наједноставен пример за тоа наведен е и рускиот претседател Владимир Путин, кој е роден во 1952 година, само неколку години после окупацијата.
И за него е ова многу болна тема, а повеќе пати јавно говореше и пишуваше за членовите на семејството кои ги загубил во текот на опсадата на градот, вклучувајќи го и својот постар брат.
Приказните за „златен ген“ ги потврдува и истражување на институтот за гинекологија и акушерство во Санкт Петербург.
Уште пред неколку години тие анализирале група на луѓе која ја преживеала окупацијата и пронашле три генетски мутации кои се поврзуваат со поефикасен метаболизам кај луѓето кои гладуваат.
Генетичарот Стивен О’ Брајан вели дека откритијата на споменатиот институт се „фасцинантни“, но предупреди дека малку примероци од преживеаните ги направиле резултатите „многу потешки за интерпретација“.
Сепак, Русите ја искористија оваа приказна за да го карактеризираат Владимир Путин како суперчовек, а за неговите авантуристички подвизи и необјаснета сила во 65 година од животот, се чини дека конечно имаат објаснување.