Министерството за одбрана на Русија објави снимка на која се гледа како припадниците на руските Сили за специјални операции (ССО) ликвидираат терористи.
Снимката трае 30 секунди и прикажани се кадри на кои специјалците од ССО со снајперски пушки елиминираат терористи. Видеото е снимено со уреди за ноќно набљудување. Каде, кога и во кои услови е создадено ова видео не е познато.
Инаку, денеска во Русија се одбележува денот на ССО, празник утврден со претседателски указ од 26 февруари 2015 година. За седум години постоење 11 војници од оваа специјална единица добија највисоко државно признание- титула на херој во Руската Федерација.
Многу малку се знае за операциите на руските командоси, но оваа единица има круцијална улога во битките во Сирија, особено во идентификација на џихадистите и воздушните напади на руските воени сили. Еден од командосите чиј идентитет е јавно познат е 25-годишниот Александар Прохоренко кој беше опкружен од терористи на Исламската држава во 2016 година, во битката за Палмира. Наместо да им се предаде тој повика на артилериски напад и загина како херој.
Објавено е уште едно видео на руските командоси во акција:
