Руските власти ги блокираа услугите на апликацијата Viber бидејќи операторот наводно го крши законот, соопшти рускиот телекомуникациски регулатор Роскомнадзор. Според рускиот регулатор, апликацијата, во сопственост на јапонската мултинационална компанија Rakuten, се користела за терористички и екстремистички цели, за продажба на дрога и ширење дезинформации, пренесува HINA.
Обвинителите го истражуваа Viber за ширење „информации за дестабилизирање на политичкиот и општествениот поредок во Русија“.
Viber засега не ја коментираше блокадата.
Руските власти дополнително ја зајакнаа цензурата во земјата од почетокот на војната против Украина.
Viber беше казнет минатата година за наводно дискредитирање на руските вооружени сили со тоа што не ги избришал информациите за војната како што наредил Владимир Путин.
