Saab 95 е караван од 1967 година за кој не слушнале многу луѓе, но тоа не го менува фактот дека неговата вредност се проценува до 60.000 долари.
Автомобилот го започнал својот живот во Калифорнија, поминал неколку години уживајќи во сонцето, а потоа бил ставен на суво складиште каде поминал повеќе од 20 години. Broad Arrow Auctions наведува дека следниот сопственик го транспортирал до источниот брег на САД, а потоа следела детална реставрација.
Моторот и менувачот се освежени според фабричките спецификации, а каросеријата остана без оригиналната боја и е обоена со бордо нијанса од палетата на Mercedes. Внатрешноста е обложена со материјал на Mercedes MB-Tex, кој многу наликува на кожа и тешко се разликува, но е подостапен.
Според современите стандарди за караван, Saab 95 е прилично компактен, но сепак остава впечаток благодарение на интригантниот дизајн и деталите. Напред има хромирана решетка на ладилникот, тркалезни светла и дополнителни светла поставени на хромиран преден браник. Внимание привлекуваат и бандажите, како и кружните задни светла сместени во триаголниот дел од каросеријата.
Автомобилот е опремен со опционален трет ред седишта, што значи дека може да прими до 7 патници. Се придвижува од Ford V4 мотор кој развива 65 КС. Иако тоа не звучи многу, тоа е значителено повеќе во однос на 3-цилиндричниот двотактен мотор со 38 КС со кој се продаваше и моделот. Моторот V4 е поврзан со 4-степен мануелен менувач.
Аукцијата е во тек, а се очекува Saab 95 да биде продаден до 60.000 долари.
