Финалето на овогодишното издание на Австралија опен во женска конкуренција ќе го сочинуваат Казахстанката Елена Рибакина и Белорусинката Арина Сабаленка, кое денески ги совладаа своите ривалки во двете полуфиналиња.
По час и половина игра, Арина Сабаленка, петтата тенисерка во светот, ја победи својата противничка рангирана 14 места подолу со 2:0 во сетови (7-6(1), 6-2) и влезе во финалето.
На овој начин белоруската тенисерка за првпат стигна до финале на еден Грен слем турнир и ќе има можност да ја освои својата прва голема титула во кариерата.
Претходно, казахстанската тенисерка Елена Рибакина (25. ВТА) во полуфиналето ја совлада Викторија Азаренка (24. ВТА) со 2:0 по час и 43 минути игра. Резултатот во сетови беше 7-6(4), 6-3.
Рибакина има еден голем трофеј на своето конто, Вимблдон, кој го освои минатата година.
Финалето е закажано за в сабота од 9:30 часот по македонско време.
