Бизнис

САД и Кина се блиску до договор, цените на нафтата растат

4. ноември 2019 - 18:01 | А.С.

Цените на нафтата денеска нагло пораснаа по најавите дека Кина и САД се на чекор до постигнување на трговскиот договор.

Во Лондон, цената на сировата нафта Брент порасна за 69 центи на 62,38 долари за барел.

Во Њујорк, цената на сировата нафта е поголема за 53 центи и изнесува 56,73 долари за барел.

Претходно од кинеското Министерство за надворешни работи беше соопштено дека кинескиот претседател Сји Ѓинпинг и американскиот претседател Доналд Трамп постојано се во контакт на различни начини.

Кон крајот на минатата недела цените на нафтата пораснаа за околу два долари откако американски извори наведоа дека можно е потпишување на трговскиот договор меѓу САД и Кина во текот на месецов.

Трамп минатата недела сугерираше дека можно е договорот да го потпише во Ајова, американската сојузна држава која беше најтешко погодена од царинските покачувања во 16-месечниот трговски спор меѓу двете најголеми светски стопанства.

Коментирај