Објавени се снимки од лансирањето на американски ракети од Средоземјето на сириска воздушна база. Американскиот претседател Доналд Трамп нареди напад на сириска база од која наводно полетале авиони кои учествувале во хемиски напад.
Според CNN, од бродовите стационирани на Средоземно Море кон Сирија се испукани меѓу 50 и 60 проектили од типот Tomahawk, а целта е воздушната база Шајрат на западот на Сирија, во околината на Холмс.
„Вечерва наредив напад на воздушна база во Сирија од која започна нападот со хемиско оружје. Нема сомнежи дека Сирија користи хемиско оружје и ја прекрши меѓународната конвенција со која е тоа забрането. Сите досегашни обиди да се смени односот на Башар ал-Асад се неуспешни. Крајниот резултат е продлабочување на бегалската криза и понатамошна дестабилизација на регионот“, изјави Трамп кој се обрати на нацијата од неговата резиденција во Флорида.
