Министерството за одбрана на САД ќе ја отстрани кинеската технолошка компанија Xiaomi од црната листа на владата, покажаа судските документи, отворајќи пат за идните инвестиции на САД во овој производител на паметни телефони.
Судското досие покажува дека двете страни ќе се согласат да ја решат постојната парница без натамошен спор, со што заврши краткото и контроверзно натегање меѓу компанијата и Вашингтон.
Xiaomi не одговори веднаш на барањето на Reuters за коментар.
Обвинет за врски со кинеската војска
Претходно оваа година, Министерството за одбрана на САД, под администрацијата на Доналд Трамп, го прогласи технолошкиот гигант за заповрзан со кинеската војска и беше ставен на листата што спречува американски инвестиции во компанијата.
Xiaomi брзо реагираше со поднесување тужба против владата на САД, нарекувајќи го третманот „незаконски и неуставен“ и негирајќи какви било врски со кинеската војска.
Во март, под администрација на Џо Бајден, федерален судија привремено го блокираше активирањето на црната листа.
Како што се прошири веста за одлуката, акциите на Xiaomi скокнаа за 6 проценти во Хонгконг.
