Вашингтон, 15 ноември 2018 (МИА) – САД од фирмата Lockheed Martin купуваат 225 авиони ловци Ф-35, со вкупна цена од 22,7 милијарди долари, соопшти американското Министерство за одбрана.
Од тоа, 105 се борбени авиони наменети за американската војска – 64 авиони од типот Ф-35А за воздухопловните сили, а 26 авиони од типот Ф-35Б и 16 од типот Ф-35 Ц за морнарицата.
Американското Министерство за одбрана сооопшти дека преостанатите 89 авиони се наменети за независни купувачи надвор од надлежностите на Министерството и 60 се за странски војски.
Lockheed Martin, компанијата која е голем снабдувач на Пентагон, ќе добие аванс од шест милијарди долари, а рокот за испорака е март 2023 година.
