CNBC, повикувајќи се на извештај од Националното биро за економски истражувања, соопшти дека САД влегоа во рецесија.
Се додава дека ова е најголемата рецесија уште од Големата депресија 1929-1933 година.
Бирото не гo користи општо прифатеното мерило за техничка рецесија, кое се детектира со пад на БДП во текот на две тримесечја по ред, туку се потпира на анализа на таквите индикатори како обем на производството и ниво на невработеноста.
Според аналитичарите, економијата на САД влезе во рецесија во февруари, кога е забележана намалена економска активност поради кризата предизвикана од пандемијата на коронавирус. Дотогаш, американската економија растеше во текот на 11 години.
Од банката Goldman Sachs прогнозираат дека и покрај големината на проблемот, рецесијата нема да биде долготрајна. Мнозинство од експертите укажуваат на запирање на економскиот пад до крајот на второто тримесечје.
Според Јан Хациус, главен економист во Goldman Sachs, ова е сигурно најдлабоката рецесија од војната, но дека секако дека ќе биде најкратката.
Во првото тримесечје, БДП на САД се намали за 4.8 проценти.