Администрацијата на американскиот претседател Доналд Трамп во изминатите недели размислувала дали да изврши нуклеарна проба, прва после 28 години, објави The Washington Post повикувајќи се на добро упатени извори.
Прашањето било покренато на состанокот на раководните луѓе на националните безбедносни служби на САД, по обвинувањата од Белата куќа дека Русија и Кина спроведуваат нуклеарни проби со низок интензитет.
На состанокот не била донесена конечна одлука по ова прашање, но учесниците биле согласни на заканите од Кина и Русија да се одговори со други мерки, а засега да не се вршат нуклеарни проби.
Во воената историја досега само двапати биле употребени нуклеарни оружја, и двете од САД при крајот на Втората светска војна. Првиот пат тоа се случи утрото на 6 август 1945 година, кога САД фрлија нуклеарна бомба на база на ураниум наречена Little Boy, во јапонскиот град Хирошима. Втората бомба беше фрлена 2 дена подоцна, а овојпат тоа беше плутониумска бомба што предизвикува имплозија наречена Fat Man, во градот Нагасаки исто така во Јапонија. Овие два напади резултираа со 120.000 мртви од повредите од експлозијата и од радиоактивноста и уште голем дел на загинати од долготрајните ефекти од радијацијата. Потребата од користењето на овие бомби беше и останува контроверзно прашање.
Во 1996 година Меѓународниот Суд на Правдата, највисокиот суд во Обединетите нации, издаде забрана за користење на нуклеарно оружје.