САД тестираа интерконтинентална балистичка ракета (Видео)
Интерконтинентална балистичка ракета Minuteman 3 беше лансирана денес од воената база Ванденберг во Калифорнија кон цел во Тихиот Океан.
Оваа ракета ја сочинува основата на стратешките нуклеарни сили на земјата. Службите рекоа дека тестирањето било планирано пред една година и дека нема врска со актуелната ситуација со Северна Кореја.
Minuteman 3 е единствената стратешка ракета која е базирана на копно, а усвоена како оружје во САД во 1970 година. Според последните податоци, САД располагаат со 450 вакви ракети, кои ќе останат во вооружувањето барем до 2020 година. Ракетата може да порази цели на далечина од 12.000 километри.