Еден од најпознатите сајтови во светот, Amazon, од непознати причини два часа беше недостапен ширум светот.
Купувачи од различни делови во светот утрово пријавија проблеми со онлајн пристапот до продавниците на платформата Amazon.com, а од компанијата велат дека во меѓувреме проблемот е отстранет, но не открија поради кои причини сајтот не функционираше.
Според DownDetector, онлајн услугите на Amazon во прекин биле два часа при што 38.000 корисници пријавиле проблеми со пристапот на глобалната интернет продавница.
Проблемот првично беше манифестиран ноќеска во САД, а утринава и во други делови низ светот.
Од Amazon не прецизираа колку изнесува загубата на продавачите ниту како и дали воопшто тоа ќе им биде надоместено.
Тоа што ги загрижува експертите е што од крајот на јуни ова е веќе второ поголемо нарушување во функционирањето на оваа платформа за онлајн трговија. Претходно корисниците на кратко имаа проблеми со пристап на Amazon сервисите.
