Фудбалот не е за секој, па дури и да сте лице на стадион.
Тоа најдобро го покажа носилкарот на квалификацискиот натпревар во Прага каде во 1. коло од мундијалските квалификации се сретнаа Чешка и Белгија.
Комичната ситуација се случи во 3. минута кога Чесите изведуваа аут, а топката која беше изглегла од игра отиде да ја собира едно од лицата задолжени за носилката за повредени фудбалери.
Наместо да ја земе со рака, носилкарот проба да ги покаже своите фудбалски вештини со нозе, но уште при првиот потег се спружи на земја, па фудбалери од двете репрезентации притрчаа да му укажат помош.
Добро е што не дојде до ситуација да треба неговите колеги него да го качат на носилката.
